काठमाडौं,
८ मंसिर । मुलुकभरीका एमबिबिएस अध्ययनरत विद्यार्थीहरुको छाता संगठन नेपाल
मेडिकल स्टुडेन्ट सोसाइटि (एनएमएसएस)ले मंगलबार चिकित्साशास्त्र अध्ययन
संस्थानका डीन डा। केपी सिंहलाई राजिनामा दिन आग्रह गरेको छ । आजको
कान्तिपुर दैनिकमा खबर छ –सोसाइटीले बुधबार चिकित्साशास्त्र अध्ययन संस्थान
(आइओएम) को डिन कार्यलयमा ज्ञापनपत्र बुझाउँदै डा गोविन्दा केसीले अघि
सारेका माग सरकारले वेवास्ता गरे सबै प्रज्ञिक र अन्य अस्पतालका सेवा बन्द
गर्ने चेतावनी समेत दिएको छ ।
एनएमएसएसका पदाधिकारी, रेजिडेन्ट चिकित्सक लगायतकाले डिन कार्यालयमा धर्ना
समेत दिएका छन् । उनीहरुले बुझाएको ज्ञापनपत्रमा संस्थानको भलाइ र
गुणस्तरीय चिकित्सा शिक्षा र सेवामा आम नेपालीको सहज पहँुच स्थापित गर्ने
अभियानलाई सफल बनाउन सिंहले। डिन पद पदबाट राजिनामा गर्नु पर्ने उल्लेख छ ।
सिंहले भने ज्ञापनपत्र ग्रहण गर्दै राजिनामा नगर्ने बताएका थिए । नयाँ
मेडिकल कलेजलाई सम्बन्धन र एमबिबिएसका विद्यार्थी भर्नामा अनियमितता गर्नका
लागि हालको अस्थिरता जारी राखिएको एनएमएसएसका अध्यक्ष डा।सागर पोखरेलले
बताए ।
आफूहरु सकेसम्म अस्पताल बन्द नगर्ने पक्षमा रहेको र डा।केसीले समेत जे भए
पनि अस्पतालको सेवा जारी राख्नु भन्दै आएकाले हालसम्म विरोधको स्वरुप कडा
नगरेको पनि उनले बताए । ‘तर, कसैले सुनिरहेको छैन, १० दिन भयो सरको ज्यान
खतरामा पर्ने भएकोले अब अस्पताल बन्द गर्नेसम्मका विरोध गर्न हामीलाई बाध्य
पार्न थालिएको छ,’ पोखरेलले भने । अनसन तोडाउने बेला सहमति गर्ने तर पालना
नगर्ने सरकारको क्रियाकलापले केसीले दस दसपटक अनसन बस्नु परेको पनि
विद्यार्थीहरुले बताए ।
डा।गोविन्द केसीले दसौंपटकको अनसनसम्म गरि १ सय दुई दिन अनसन बसेका छन् ।
उनको १० औं अनसन मंगलबार १० औं दिनमा पुगेको छ । उनको नवौ अनसन १२ औ दिनमा
स्थगित भएको थियो । यस्तै आठौं अनसन १६ औ दिनमा पुगेर तोडिएको थियो ।
तेस्रो अनसनता १४ दिनको थियो ।
२०६९ साल असार २१ गते शुरु भएको उनको पहिलो अनसन तीन दिनपछि असार २४ गते
सरकारसँग सम्झौता भएपछि तोडिएको थियो । गत वर्ष २०७२ सालमा डा। केसीले
दुईपटक अनसन गरे । गत वर्ष भदौ ७ देखि १९ गतेसम्म गरी १२ दिन र पुनस् असोज २
गते देखि १२ गते सम्म गरी १० दिन अनसन चलेको थियो ।
Post a Comment